Ikastetxeetarako proposamena:

Bi bide, aukeran:

1.- Deialdian parte hartzea, proiektu propioa aurkeztuz eta 2.b klausula ez dela beteko adieraziz.

Hots, ikastetxearen beharrekin koherente den proiektu bat aurkeztu. Proiektuaren 2. atalean (ordutegiaren azalpenean eta justifikazioan)  Hezkuntza-, Hizkuntza- eta Hobekuntza-Proiektuarekin koherente izateko eta ikasleen beharrei erantzuteko bestelako ordutegia egingo dugula (2.b artikuluan ezarritako ordutegi minimoak bete gabe) adieraziko genuke.

2.- Adierazpen bat helaraztea hezkuntza-arduradunei gutxieneko orduen baldintzarekiko desadostasuna agertuz

Irakasleen Klaustroak edota Organo Gorenak sinatua eta Hezkuntza Kontseilariari eta Lehendakariari zuzendua. 2.b artikuluan ezarritako gutxieneko ordutegi hori gure ikasleen beharretarako zentzugabea eta aldrebesa dela azpimarratuz eta baldintza hori kendu egin behar dela aldarrikatuz, ikastetxeen beharretara egokituko den “eredu hirueleduntzailea” proposatu eraiki nahi bada.

Eskaeretan edo adierazpenetan erabiltzeko arrazoiak:

(Gure proposamena garatzen ari gara, hemendik aurrera doana zirriborroa baino ez da. Aste honetan lantzen jarraitu eta bukatuta edukitzea espero dugu)

HUISek definitutako bidearen puntu ahulak azpimarratu

• Zurrunegia da, 3 hizkuntzek eduki behar duten presentzia orduen minimoa altuegia eta itxiegia da: 25 ordutik 15 lehen hezkuntzan eta 30etik 18 DBHn.
• Ez ditu aintzat hartzen gure ikasleen eta ikastetxearen hezkuntza- eta hizkuntza-beharrak, ezta haiei erantzuteko gure Hezkuntza-, Hizkuntza-, Curriculum- eta Hobekuntza-Proiektuetan hartutako erabakiak.
• Eleanitasunari heldu nahi dion orori gaztelerazko 5/6 ordu astean inposatzeko ez du zentzurik ikastetxe gehienetan, honela probatuta dago. Ez dator bat ikastetxeek beraien Curriculum proiektuetan eta Hobekuntza planetan markatutako asmo eta lehentasunekin
• Ez da baliagarria izango ikastetxe gehienentzat. Gehienek ez baitute gaztelera indartzeko beharrik ikusten. Bai, ordea, euskara sendotzearena eta atzerriko hizkuntzan aurrerapausoak ematearena

Testuinguruan jarri, egungo egoera eta asmoak adierazi eta arrazoiak eman:

• Gure ikasleak eleaniztunak izan daitezen lan egiteko asmoa badugu
• Horretarako, oinarririk egokiena EAEko bi hizkuntza ofizialak ondo jakitea delakoan gaude
• Ikasleak euskaraz eta gazteleraz gaitasuna egokia izan dezaten ahalegindu gara azken urteotan. Hori lortzeko euskarak irakas-hikzuntza nagusia izan behar duela ondorioztatu dugu; gizartean bi hizkuntzek duten presentzia maila desorekatua, eskolak orekatu behar baitu eskola barneko irakaskuntza jardueretan eta eguneroko harremanetan hizkuntza gutxiagotuaren erabilera indartuz eta sustatuz
• Ebaluazio diagnostikoko emaitzek uste hori berretsi digute
• Egun gure asmoa da beste urrats bat ematea ingelesaren ezagutza indartzeko (((eta hizkuntza hori irakas-hizkuntza gisa erabiltzeko bidea aztertzen ari gara)
• Alde horretatik aukera egokia irudituko litzaiguke Hezkuntza Sailak egindako “Marko hirueledunaren saiakuntza-proiektuaren” deialdia…
• Baldin eta 2.b. artikuluan ezarritako gutxieneko orduak ezinbestekoak ez balira. Izan ere, gure ikastetxean…
  • (A. aukera) gaztelerazko gaitasun maila egokia lortzen ari dira ikasleak eta, une honetan,  ez dugu antzematen gazteleraren presentzia indartzeko beharrik
  • (B. aukera) Euskarazko gaitasuna hobetzeko (sendotzeko) beharra antzematen dugu eta horretarako, besteak beste, euskarak irakas-hizkuntza nagusia izan behar duela iruditzen zaigu; hots curriculumaren arlo gehienak euskaraz eman behar ditugula; hori da astean 15 (18) ordu baino gehiago euskaraz ematea
• Azken urteotako eskarmentuak eta hausnarketek ondorio horietara eraman gaituzte eta horrela dugu jasoa gure ikastetxeko dokumentu nagusietan: Hezkuntza-, Hizkuntza- eta Curriculum-Proiektuetan
• Ebaluazio-diagnostikoaren emaitzek ere hala berretsi digute eta norabide honetan doa gure Hobekuntza-Proiektua

Horregatik honako hau eskatzen dizuegu

(1.    aukera)

2.b. artikuluan ezarritako minimoak beteko ez ditugun arren, deialdian parte hartzeko eskaera hau ontzat eman dezazuen. Eta ikastetxearen autonomiaren izenean zein gure Hezkuntza- eta Hobekuntza Proiektuekiko koherentzian hartutako erabakia eta “marko hiruheledunaren saiakerarako” proposatzen ditugun antolaketa eta ordu banaketa ontzat eman ditzazuen

(2.    aukera)

Deialdiaren 2.b. artikulua ( ezarritako gutxieneko orduak) bertan behera utz dezazuen, eta deialdia berria atera dezazuen ikastetxeen autonomiari zein Hezkuntza- eta Hobekuntza Proiektuekiko koherentziari behar besteko tokia emanez

“Esperimentazio hirueleduna”ren ezaugarriak

• 40 ikastetxe
  • 25 publiko: 13 Bizkaian, 8 Gipuzkoan eta 4 Araban
  • 15 itunpeko: 8 Bizkaian, 5 Gipuzkoan eta 2 Araban
• Lehen Hezkuntzako 4. mailan edo DBHko 1. mailan hasteko, 3 urteko esperimentazioa
• Astero gutxienez 5 ordu (LHn) edo 6 ordu edo (6 DBHn)  hizkuntza bakoitzean: gaztelania, euskara eta ingelesa. Hiru hizkuntzak ikasgai eta irakas-hizkuntza.
• Ikastetxeak erabakiko du zein ikasgai emango den hizkuntza bakoitzean, bertako irakasleriaren prestakuntzaren eta ikastetxeak ezarritako bestelako irizpideen arabera. Esperientzia ikastetzeko irakasleekin garatuko da.
  
• Esperientzian parte hartuko duten irakasleek europako B2 mailako titulazioa eduki behar dute, gutxienez, eta hiru urtetarako konpromisoa hartuko dute.
• Ikasleek borondatez hartuko dute parte
• Laguntzak:
  • Irakasle baten jardunaldiaren erdia eta 3000 € (2 lerrok parte hartzen badute) edo jardunaldi herena eta 2000 € (lerro bakarrak parte hartzen duenean). Ordu-kreditoa koordinazio lanetan, klaseak ematen edota materialak prestatzeiko erabiliko da.
  • Prestakuntza-jarduerak

Parte hartzeko prozedura:

• Eskaerak  ekainaren 10era arte,  Hezkuntza sailaren webgunearen bidez.
• Zuzendaritzak egingo du  eskaera. Klaustroak onartua eta Organo Gorenak oniritzia behar du izan.
• Proiektu bat aurkeztu behar da, hiru urtetarako. Deialdiaren II. eranskinean aipatzen dira proiektuaren edukiak:
  • Justifikazioa
  • 3 urtetarako ikasgaien aukeraketa,  horiek aukeratzearen justifikazioa eta irakas-orduen banaketa.
  • Alderdi metodologikoak eta didaktikoak
  • Egungo Hizkuntza Proiektua eta Marko Hirueleduna ezartzeko egingo zaizkion aldaketak
  • Aurreikusitako taldeak eta talde horiek eratzeko irizpideak
  • Departamentuen arteko koordinaziorako aurreikusitako moduak
  • Irakasleen prestakuntza-beharrak
  • Ikasgaiak emango dituzten irakasleen zerrenda (zein hizkuntzatan, zein ikasgai emango duen, daukan titulazioa, administrazio-egoera, ikastetxean eman dituen urteak…)
• Eskaerak balioesteko baremo bat dago, VI. eranskinean
  • Proiektuak 30 puntu balio ditu. Horietatik 12 proiektuaren koherentzia pedagogikoaren arabera emango dira eta 10 puntu -gehienez ere- irakasleen egokitasunaren arabera.
  • Gainerako faktoreek, osotara eta gehienez ere,  32 puntu balio dute: 7 Inebin edo Binebin aritu izana, 5 -gehienez ere- bestelako berrikuntza-proiektuengatik, 5 gizarte-egoera txarrean aritzeagatik…

Markoaren Balorazioa:

Baina… Hezkuntza Sailak bere “Marko Hirueledunean” ezarri dizkigun baldintzak ez dira egokiak:

• Markoa oso zurruna da. Ikastetxeen autonomia alboratzen du eta gure proiektu pedagogikoekiko koherentzia ahaztu egiten du. Oso margen txikia uzten baitigu ikastetxeei gure ikasleen hizkuntza beharrei erantzungo dien proiektu hirueleduntzaile koherente bat garatzeko; koherentea gure Hezkuntza-, Hizkuntza, Curriculum- eta Hobekuntza-Proiektuekin.
• Ezarritako gutxieneko orduak (hizkuntza bakoitzean 5 edo 6) gehiegizkoak dira, ez dira beharrezkoak ikastetxe askotan. Esaterako, ikastetxe eta ikasle gehienek ez dugu astean 5 edo 6 gazteleraz emateko beharra, ordu gutxiagorekin gaitasun egokia lortzen ari baikara. Ikastetxe eta ikasle askok ordu horiek euskaraz eman beharko ditugula uste dugu, ikasle guztiek EAEko bi hizkuntza ofizialak ondo jakin ditzaten lortu nahi baitugu.  Ebaluazio Diagnostikoaren emaitzek hala erakutsi digute (aurretiko eskarmentuek eta ikerketek gauza bera esaten ziguten)
• Baina gutxieneko ordu horiek betez gero euskarari emandako orduak gehienez ere 15 (lehen hezkuntzan) edo 18 (bigarren hizkuntzan) izango dira. Ikastetxe askok Euskarazko Komunikazio Gaitasuna” indartzeko beharra ikusten dugu (hala jaso dugu gure Hobekuntza-Proiektuetan) eta 15 edo 18 ordu horiek baino gehiago eman behar ditugula euskaraz argi ikusten dugu. Gauzak horrela Marko Hirueleduna ezartzeak euskararen irakaskuntzarako atzerapauso bat ekarriko liguke zenbait ikastetxeri. Eta beste zenbaiti, berriz, hizkuntzen ikaskuntza aurrera egiteko genuen asmoetarako oztopo  bihurtuko da.

Horregatik, deialdi honetan zuzenketak egin daitezen eta  proiektu hirueleduntzaile koherenteak garatzeko bidea eman diezaguten eragingo dugu.

Horren alde jarduteko sortu dugu Blog hau eta bultzatu dugu hemen aurketzen dizuegun kanpaina

Baina… Hezkuntza Sailak bere “Marko Hirueledunean” ezarri dizkigun baldintzak ez dira egokiak:

• Markoa oso zurruna da. Ikastetxeen autonomia alboratzen du eta gure proiektu pedagogikoekiko koherentzia ahaztu egiten du. Oso margen txikia uzten baitigu ikastetxeei gure ikasleen hizkuntza beharrei erantzungo dien proiektu hirueleduntzaile koherente bat garatzeko; koherentea gure Hezkuntza-, Hizkuntza, Curriculum- eta Hobekuntza-Proiektuekin.
• Ezarritako gutxieneko orduak (hizkuntza bakoitzean 5 edo 6) gehiegizkoak dira, ez dira beharrezkoak ikastetxe askotan. Esaterako, ikastetxe eta ikasle gehienek ez dugu astean 5 edo 6 gazteleraz emateko beharra, ordu gutxiagorekin gaitasun egokia lortzen ari baikara. Ikastetxe eta ikasle askok ordu horiek euskaraz eman beharko ditugula uste dugu, ikasle guztiek EAEko bi hizkuntza ofizialak ondo jakin ditzaten lortu nahi baitugu.  Ebaluazio Diagnostikoaren emaitzek hala erakutsi digute (aurretiko eskarmentuek eta ikerketek gauza bera esaten ziguten)
• Baina gutxieneko ordu horiek betez gero euskarari emandako orduak gehienez ere 15 (lehen hezkuntzan) edo 18 (bigarren hizkuntzan) izango dira. Ikastetxe askok Euskarazko Komunikazio Gaitasuna” indartzeko beharra ikusten dugu (hala jaso dugu gure Hobekuntza-Proiektuetan) eta 15 edo 18 ordu horiek baino gehiago eman behar ditugula euskaraz argi ikusten dugu. Gauzak horrela Marko Hirueleduna ezartzeak euskararen irakaskuntzarako atzerapauso bat ekarriko liguke zenbait ikastetxeri. Eta beste zenbaiti, berriz, hizkuntzen ikaskuntza aurrera egiteko genuen asmoetarako oztopo  bihurtuko da.

Horregatik, deialdi honetan zuzenketak egin daitezen eta  proiektu hirueleduntzaile koherenteak garatzeko bidea eman diezaguten eragingo dugu.

Horren alde jarduteko sortu dugu Blog hau eta bultzatu dugu hemen aurketzen dizuegun kanpaina